Erlijioen arteko topaketa egin dute 'Bakearen domeka'-n

Anboto 2015ko urt. 27a, 10:12
Andra Marian topaketaren amaieran egindako ekitaldia

Gandhiren urtemugan, Munduko Biolentziaren Kontrako Nazioarteko Egunean, Tabira Pastoral Barrutiak 'Bakearen domeka' antolatzen du urtero. Aurten, erlijioen arteko elkarbizitzan sakondu gura izan dute. Horretarako, Durangaldean dauden hainbat erlijiotako ordezkariak gonbidatu dituzte. Antolatzaileak pozik agertu dira ekimenak izan duen erantzunagaz. Izan ere, ospakizunean  Nekane Basurto moja budistak, Durangaldeko meskita bateko imanak eta eliza presbiterianoko kideek parte hartu zuten, besteak beste.

Koldo Katxo jesuita izan da egitasmo honen bultzatzaileetako bat. Barikuan kaleratuko den ANBOTO astekariko elkarrizketan aniztasunaren eta integrazioaren inguruan Katxok egindako hausnarketak irakurgai izango dira: "Aniztasuna ez da erraza, baina txarto kudeatzen badugu, eta elkarren arteko errespetua txarto kudeatzen badugu, ondorio latzak izango ditu".

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!