Mallabian, Iurretan eta Basaurin martxan daude neskentzako pala eskolak, eta “arrakasta izaten dabiltza”, dio Durangoko pilota eskolako kide Txaber Agirrek: “Pilotari dagokionez, azken urteetan eskola kirolean gehien hazi den arloa nesken pala modalitatea da”. Hori dela-eta, Durangon ere eskola sortzea erabaki dute, bertako gazteei aukera emateko: “Palan ikasteko eta lagunartean ondo pasatzeko gunea eskaintzea da helburua”. Horretaz gainera, azken lau urteetan egin den moduan, zesta-punta eskola ere abiatu dute. Toki eta ordu berean egin daiteke izen-ematea.