Argitaratu berri duten diskoan, aurreko diskoetan jaso bako Katamaloren hainbat kantu daude: “Sonoritate berezia dute disko honetako hemezortzi kantek, eta beste dimentsio bat hartu zuten kontzertu hartan”, azaldu du Gotzon Barandiaranek. Mila lagunetik gora elkartu ziren 2011ko azaroko kontzertuan, eta, idazlearen berbetan, "itzela izan zen entzuleengandik jaso genuen berotasuna, eta han bizi izan genuena ez daukagu ahazteko; hasieratik gugaz kantatu zuen jendeak, eta hartu-emana itzela izan zen. Oso hunkituta egon ginen emanaldian”. Berotasun hori nabari da diskoan ere.
Zortzi euroan eskuratu daiteke Katamaloren zuzeneko diskoa, Plateruenean, ANBOTOren bulegoan eta euskarazko tokiko hedabideen bitartez.
