Joan zen asteburuan, ordura arte lider zegoen Bera Bera menderatu zuen Durangoko taldeak Arripausuetan: 26-22. Iker Hercek, Sabin Goitik eta Mikel Blancok entsegu bana lortu zuten. Gaizka Iturriaga ere zehatz ibili zen zigor kolpeak gauzatzerako orduan. Orain arteko lau partiduetan hemeretzi entsegu lortu ditu DRTk, eta hirugarren postuan dago entseguei dagokienez, Uribealdea (20 entsegu) eta Zarautz (23) taldeen atzetik.
Irabazitako beste partiduak Belenos (31-10) eta Bathco (5-53) taldeen aurkakoak izan dira. Quesos Entrepinares taldearen aurka 20-20 berdindu zuen. Hurrengo partidua Eibarren kontrakoa izango da, urriaren 19an.