Gaur, txupinazoaren ostean, Sugarri txaranga eta buruhandiak ibiliko dira kalean gora eta behera. 23:30ean, DJ bategaz jarraituko du jai giroak. Bihar, 12:30ean musika eta buruhandiak etorriko dira berriro. 13:30ean, sardina-jana egingo dute, jaietako ekintza arrakastatsuenetakoa. Arratsaldean mus eta igel txapelketen txanda izango da, eta iluntzetik aurrera musika egongo da. Domekan, 12:00etan ekingo diote giroa alaitzeari. 13:00etarako Tabira Musika Bandaren kontzertua iragarri dute, eta arratsaldean umeentzako ekintzak eta txokolatada prestatuko dituzte.
Eguaztenean amaituko dira jaiak, Ama Birjinaren egunean. 12:00etan, pintxo banaketa egingo dute tabernetan, eta, 14:00etan, bazkaltzeko elkartuko dira. 19:00etan, meza egongo da Santa Anan, eta, ostean, musikagaz agurtuko dituzte jaiak.