Ponferradan (Gaztela Leon) lehiatutako Espainiako txapelketak emankorrak izan dira Bizkaia-Durango taldearentzat. Leire Olaberriak urrezko domina kolkoratu zuen erlojupekoan, berarentzako aproposa zen ibilbidean. Lointek taldeko Belen Lopez sailkatu zen bigarren (24 segundora) eta Anna Ramirez hirugarren (42 segundora). Ramirez Bizkaia-Durango taldeko txirrindularia da, baina Kataluniako selekzioagaz lehiatu ditu Espainiako txapelketak.
Errepidean oraindino emaitza hobeak lortu zituen Bizkaia-Durango taldeak. Podiumeko lehen hiru postuak eurentzako izan ziren. Anna Ramirezek irabazi zuen lasterketa eta Irene San Sebastian eta Leire Olaberria sailkatu ziren bigarren eta hirugarren.
Ondorioz, Bizkaia-Durangok bost dominekin amaitu ditu Espainiako txapelketak: urrezko bi, zilarrezko bat eta brontzezko bi.
Leire Olaberria erlojupekoa irabazi ostean urrezko dominagaz. Bere eskumaldean Anna Ramirez brontzeagaz.
