Ibilbide bi prestatu dituzte: 25 eta 31 kilometroko bana. Mugarrako mendi hegaletik zehar ibiliko dira parte-hartzaileak. Antolatzaileek jakinarazi dutenez, ibilbidea iazko bera izango da aldaketa txiki batzuekin: igoeraren bat kendu, eta jaitsiera berri bat gehitu dute. Gogortasunik gehitu barik, ibilbide “dibertigarriagoa” egiten saiatu direla adierazi dute antolatzaileek. Hala ere, ibilbide “zorrotza eta teknikoa” izaten jarraitzen duela abisatu dute.
Martxa amaitzen denean, parte-hartzaile bakoitzari Sapubiken kamiseta bat oparituko diote; urtero legez, diseinu berri bat sortu dute aurtengo aldirako. Sari banaketaren ostean, askotariko erregaluak zotz egingo dituztela ere jakinarazi dute.