Durangoko Udalak prentsa oharra bidali du batzar horren deialdia azaltzeko. Bizkaiko eta Arabako foru aldundiak eta gainerako udalak ere deitu ditu batzarrera. Uztailaren 1ean izango da, Durangon. Baikor azaldu da Aitziber Irigoras alkatea (EAJ): “Deia egina dago, beraz, espero dut batzarra baliagarria izatea Durangaldea Arabako lurraldearekin lotzen duen autobus zerbitzua hobetzeko”.
2015erako esleipen berri bat ipini du martxan Arabako aldundiak, eta araudiaren kontrako alegazio ugari egin zituzten udalek, herritarrek eta elkarteek. Durangoko Udalak ere kexa partikularrak jaso ditu. Gainera, change.org atarian 539 lagunek sinatu dute erakundeak koordinatzeko deialdi herritarra.