Ikasturte amaiera ospatzeko, Aiko erromeria, bihar

Dantzaldi Ibiltaria ikastaroari amaiera emateko antolatu du Aiko taldeak biharko Platerueneko Dantzazale Eguna.

 

Durangoko Andra Mariko elizpean 13:00etan eskainiko duten sokadantzagaz abiatuko dute eguna, eta kalejira egingo dute, ondoren, Platerueneraino.

Bazkaritara bilduko dira kafe antzokian, eta erromeria eta goatekea gozatzeko aukera eskainiko dute, 22:00ak arte.

Dantza tradizionala zabaltzeko irakaskuntza metodo propioa du Aikok, eta Dantzaldi Ibiltaria ekimenaren seigarren ikasturtea izan da aurtengoa, Plateruenean; ikasturte amaierako jaia da bihar egun osoan ospatuko dutena.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.