Basilio Astulez ariko da gaur iluntzeko emanaldia zuzentzen, eta kantuan ariko dira, 16 eta 24 urte arteko abeslariak biltzen dituen Leioako La Kantoria abesbatza, eta duela 40 urte sorturiko San Juan Bautista abesbatza.
Eszenaratzea eta koreografiak asko zaintzen dituen taldea da Kantoria, eta 25 kantari gazteren ahotsak biltzen ditu, bestalde, San Juan Bautista taldeak.
Kantoria taldeak zabalduko du emanaldia, eta San Juan Bautista abesbatza ariko da kontzertuaren bigarren zatian. Mendelssohn, Casals, Rachmaninov, Brahms eta Mendelssonhnen piezak eskainiko dituzte, esaterako Andra Mariko kontzertuan.
Donostiako Orfeoiagaz eta Bilboko Koral elkarteagaz aritu ohi den Gerardo Grifón organista donostiarra ere ariko da gaurko emanaldian.