Martitzenean, ume batek bere ama kolpatua izan zela esanez abisua eman zuen. Ertzaintza etxera bertaratu, eta emakumeak kolpe eta ubeldurak zeuzkala ohartu ziren. Bere bikotekidea atxilotu zuten ustezko erasotzaile lez.
Hiru puntu jaso dituzte adierazpenean. Lehenengoa, gaitzespena eta arbuioa agertzea horrelako ekintzen aurrean. Bigarrena, emakume horri babesa adieraztea; eta hirugarrena, plataforma feministak eguenero 20:00etan antolatzen duen mobilizazioan parte hartzeko deia egitea.