Ertzaintzak prentsa oharrean dioenez, asteartean, arratsaldeko 17:00etan, etxebizitza batetik gazte baten deia jaso zuten bere ama indarkeria zantzuekin topatu zuela ohartaraziz. Gaineratu dutenez, bertaratu ziren agenteek emakumeak ubeldurak eta kolpeak zituela ikusi zuten. Biktimaren bikotekidea etxean bertan topatu zuten ertzainek, maleta egiten. 30 urteko akusatua atxilotuta eraman zuten.
Elkarretaratzea
Durangoko Txoko eta Bilgune Feministak kontzentrazioa deitu dute gaurko Ezkurdin, 20:00etan, erasoa salatzeko.