28 merkatarik parte hartuko dute; hogei dendak dira eta gainerakoak ostalaritzakoak. 23:00ak arte egongo dira zabalik, eta tarte horretan hainbat promozio eta deskontu egingo dituzte, aurkezpenean Santiago Reyes antolatzaileak azaldu zuenez.
Kulturari garrantzia emango diote, gainera. Adibidez, komertzioen erakuslehioetan margolanak edo musika sortuko dute zenbait artistek. Alde Zaharrean musika eskainiko dute, eta mago bat ere ibiliko da kalerik kale. Ezkurdin, 20:00etan, dantza eta kirola batuko dituzte Sh’Bam klase bategaz.
Eusko Jaurlaritzak eta udalak diruz lagundu dute ekimena. Aitziber Irigoras alkatearen ustez, “merkatariek bizia ematen diote” Durangori.