Duranguesa Txirrindulari Elkarteak domekan Durangoko Ezkurdin antolatutako Bizikleta Egunak 250 gaztetxo (7-16 urte artekoak) eta 50 bat guraso batu zituen. Beraz, 300 bat txirrindularik osatutako tropela ibili zen Durangaldetik. Gazteenek ibilbide laburra egin zuten Durango eta Abadiñoko bidegorrietatik; nagusienak Gaztelua auzotik zehar ibili ziren 12 kilometroko ibilbidean. Amaieran hainbat opariren zozketa egin zuten.
Ekimenaren harrera ikusita datorren urtean ere antolatzeko asmoa dute txirrindulari elkarteko kideek. Horrez gainera, gaztetxo askok taldera batzeko eskakizunak egin zituztela jakinarazi dute.