Zazpigarren edizioa da aurtengoa, eta aurreko urteetan bezala, berbaldiak eta poesia irakurtaldiak eskainiko dizkie Poesia eta Pentsamendua jardunaldiak, Durangoko Arte eta Historia Museora bertaratzen diren literaturzaleei.
Javier Aguirrek La expulsión de los poetas de la ciudad izenburuko berbaldia eskainiko du, maiatzaren 8an, 19:00etatik aurrera, jardunaldia zabaltzeko. Aguirreren berbaldiaren ostean, euren olerkiak eskainiko dituzte Uxue Juarezek eta Juanra Madariagak.
Maiatzaren 9an, 19:00etan, Jon Bilbao idazleak eskainiko du Pentsamenduaren Poesia jardunaldiko berbaldia: Moby Dick a través del tiempo y el espacio berbaldia eskainiko du. Bilbaoren hitzaldiaren ostean, Josetxo Azkonak eta Joan Aldamizetxeberriak errezitatuko dute euren poesia.