Udalekuak garatzeko hizkuntza bakarra euskara izango da. Aurtengo aldia “inoiz baino ilusio handiagoarekin” antolatzen dabiltzala adierazi dute zuzendaritzako kideek, euren legegintzaldian egingo den azken udalekua izango delako.
Erabilgarri dituzten azpiegiturak kontuan hartuta, gehienez 150 gazterentzat ireki dute izena emateko epea. Udalekuak 2000-2007 urteen artean (biak barne) jaiotako gazteei zuzenduta daude. Izen-ematea honako e-mail honetan egin daiteke: tabirako@gmail.com. Bertan haurraren izen-abizenak, jaiotza data, ikasten duen ikastetxearen izena, helbide elektronikoa eta telefono zenbakia zehaztu behar dira. Landakon Tabirakok duen bulegora ere joan daiteke izena ematera.