Doctor Deseoren izen bereko diskoaren aurkezpenean eman zuten dokumentala lehenengoz, eta eskuragai dago harrezkero, baina doako sarreragaz eskainiko dute gaur, domeka, 20:00etan, Plateruenean.
Ia ordubeteko iraupeneko lana da Busco en tus labios dokumental musikala, eta, Francis Díez Doctor Deseo taldeko abeslariaren, Kaki Arkarazo, Nando de la Casa eta Zea Mays taldeko Aiora Renteria musikarien, eta Edorta Jimenez, Kirmen Uribe eta Itziar Ziga idazleen parte hartzeagaz osatu dute, besteak beste. Lagun horiek guztiek Doctor Deseori loturiko bizipenak konpartitzen dituzte dokumentalean.