Donostiako musikari biren organoa eta ahotsa izango dira emanaldi horretako protagonistak: Gerardo Rifón ariko da organoan, eta Xabier Anduaga tenor gaztea kantuan. Bestek beste, Donostiako Orfeoiagaz kolaboratzen du Gerardo Rifón organistak, eta 1980. urtetik Donostiako San Ignazio elizako organo-jotzailea da. Anduagak, berriz, Donostiako Orfeoi Txikian hasi zuen kantari ibilbidea, eta Orfeoiko kide da gaur egun ere.
Hamar obra interpretatuko dituzte Gerardo Rifón eta Xabier Anduaga donostiarrek elkarrekin: Cacciniren Ave Maria, Haendelen Ombra mai fu, Bachen 140. kantatako lau obra, Rossiniren Domine Deus, Faureren En prière, Mendelsshonen So ihr mich eta Mascagniren Sancta Maria.