Zurez egindakoak dira eskultura guztiak. Hain zuzen, artistak bere langaiagaz, hau da, materialagaz daukan harremanak ematen dio erakusketari izena. Fisika arloko terminoa da ortotropia, eta materialen portaera elastikoari egiten dio erreferentzia. Izan ere, zurari eragiteko moduek aldatu egiten dute bere malgutasuna.
Termino zientifiko hori hartu du Jesus Lizasok azkenaldian jorratu duen bideari izena emateko, “arau horrek ondo azaltzen baitu artistak zurarekin ezarri duen hartu-emana”.
Azken emaitza artistaren nahiaren araberakoa den arren, materialak berezko duen izaerak ere eragina du azken emaitza horretan: sarri, egilea desbideratu egiten da aurreikusita zuenetik.
Lanbide Heziketaren bidetik jo zuen Lizasok, metalaren arloan, eta aroztegi batean jardun zen lanean. Zuragaz ez ezik, zeramikagaz ere jardun izan du. Bizkaiko hainbat herritako plazetako eskultura publikoak Jesus Lizasok egin ditu.