Joxemari Iturralde Sarrionandia lagunaren bizitzaz eta literaturaz

Bete egin ziren entzuleentzat prestaturiko aulki guztiak.
Martitzenean, Durangoko Udal Liburutegian eskaini zuen Iturraldek berbaldia

 

Sarri hitzez eta ahotsez,Joseba Sarrionandia Iurretako idazlearen lanari buruzko ekimenaren lehenengo hitzordua izan zen martitzenean, Durangoko liburutegian. Besteak beste, Sarrionandiagaz 1977an, Bilbon, sorturiko Pott Banda literarioan kide eta lagun izandako Joxemari Iturralde idazle tolosarrak eskaini zuen martitzeneko berbaldia: Joseba Sarrionandiaren obraren inguruko zertzaladak eskaini zituen. “Bere liburuak hor daude, eta zaila da ezer berririk esatea”, hasi zuen berbaldia. “Baina uste dut, bere obra esplikatzeko, bere bizitzako esperientziaz jardun behar garela, bere bizitzako esperientziak isla zuzena duelako bere liburuetan”, adierazi zuen. Bere ustez Joseba Sarrionandiaren bizitza eta obraren ezaugarri nagusiak zeintzuk diren azpimarratu zuen Iturraldek: euskararen aldeko apustua eta errebeldia.

Sarrionandiaren literatura gustuko duten hainbat herritarrek antolatu dute ekimena, eta datozen hilabeteetan jarraituko du egitasmoak. Martxoaren 12an eta apirilaren 2an, esaterako, Sarrionandiaren lanaren gaineko solasaldi bana izango da aukeran (izen-ematea: sarri.joseba@gmail.com). 

Maiatzaren 9an emango dute ekimena amaitutzat, Plateruenean. Jendaurreko irakurketa egingo dute Kafe Antzokian.

Erlazionatuak

SARRI, HITZEZ ETA AHOTSEZ

Erabiltzailearen aurpegia

Abian dugu SARRI, HITZEZ ETA AHOTSEZ egitasmoa. Datorren martitzenean izango da lehen ekitaldia, otsailaren 18an Sarriren POTT abankidea izan...
Sarrionandiaren lanari buruzko egitasmoa abian

Durango

Joseba Sarrionandia Iurretako idazlearen lana gustuko duten hainbat herritar literaturazaleren ekimenez, eta Durangoko Plateruena Kafe Antzokiaren ...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.