Derbi bi jokatuko dituzte zapatuan Bigarren Erregionalean

Anboto 2014ko urtarrilaren 18a
Deskargatu Info Ahotsak :

Gaur arratsaldean areto-futboleko derbi bi jokatuko dituzte Durangoko Landako kiroldegian. Derbi biak Bigarren Erregional mailari dagozkio. Lehenengo, 15:45ean, Racing Tolosto taldeak Berrizko Presion Break B taldearen bisita jasoko du. Berrizko taldea hirugarren dago sailkapenean, liderrarengandik puntu bakarrera, eta durangarrak sailkapenaren erdian daude.

 

Gu Lagunak eta Mendibeltz taldeen arteko derbia 17:00etan hasiko da. Talde biak beheko postuetan dabiltza. Gu Lagunak taldeak hiru porrot zeramatzan jarraian, joan zen asteburuan Galdakaon 0-5 irabazi zuen arte Biarko Gizonak azken sailkatuaren aurka. Mendibeltz 2-6 galtzetik dator Racing Tolostoren kontrako derbia.

 

Kirola Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!