Hitz-eko arduradunek adierazi dutenez, 45 minutuko iraupena izango du egueneko errezitaldiak, eta doako sarrera izango du.
Izagirrek argitara eman duen zazpigarren liburua da Susagaz kaleraturiko Parisen bizi naiz. Baina Frantziako hiriburuan ez ezik, beste hainbat hiritan ere kokatuta dago liburua. Poesiaren edertasuna eta gogoetarako eta kritikarako gaia eskaintzen ditu Izagirrek bere azken laneko olerkietan.
Azken hilabeteetan, datorren eguenekoa bezalako hainbat aurkezpen antolatu dituzte Durangoko Hitz liburu dendan; esaterako, Joseba Sarrionandiaren Hnuy illa nyha majah yahoo liburuaren edizio berria aurkezteko, Durangaldeko hainbat kulturgile eta zale batu ziren poesia errezitatzera, Hitz-en antolaturiko ekitaldian.
Abendu amaieran, Gotzon Barandiaran eta Jon Benito ere izan ziren poesia errezitatzen, zuzeneko musikak lagunduta, Hitz liburu dendan. (Des)amodio izenburuko emanaldia izan zen urte amaierako hura.