Gaurtik urriaren 27ra arte izango da lehiaketako argazkien erakusketa, Durangoko San Agustinen.
Durangoko San Agustin kulturgunean zabalduko dute gaur, F-Stop argazki elkarteak antolatu duen jaietako argazki lehiaketaren erakusketa. Parte hartu duten hogei argazkilariek lehiaketara aurkezturiko 40 argazki izango dira bertan ikusgai. F-Stop izeneko elkarteak lehenengoz antolatu du lehiaketa hau, besteak beste, elkartea Durangoko argazkizaleen artean ezagutzera emateko helburuagaz.
Gaur, 13:00etan egingo dute lehiaketaren sari banaketa ekitaldia, Durangoko San Agustin kulturgunean hori ere. Hainbat sari banatuko dituzte ekitaldi horretan: lehenengoa 300 eurokoa, bigarrena 200ekoa, hirugarrena 100ekoa, eta umeek egindako argazki onenentzako 50 euroko sari bi.