Besteak beste, gaueko krosa antolatu dute.
Durango Kirol Klubak Atletismo Eguna antolatuko du urriaren 26ko zapatuan, 18:30etik aurrera, Ezkurdin. Lehenengo gaztetxoei zuzendutako probak egingo dituzte.
Ondoren, proba erakargarri bat prestatu dute: korrikalaria txirrindulariaren aurka, esprintean 100 metroko bidea nork arinago osatu; erronkako protagonistak Eneritz Iturriaga txirrindulari ohia eta Geraxane Ussia korrikalaria dira. 19:30ean, 4,5 km dituen 14 urtetik gorakoentzako gaueko krosa antolatu dute. Izen-ematea www.kirolprobak.com webgunean egin daiteke. Izena aurrez emanda 10 euro da prezioa. Izen-ematea egunean bertan eginez gero 12 euro.