Alberdi eta Ubilla berriatuarrek Markinako Arbe eta Zabala izango dituzte kontrario gaurko finalean.
Gaur, 18:00etan, XXX. San Fausto Zesta-punta Txapelketako finala jokatuko dute Ezkurdi Jai-Alai pilotalekuan. Bizkaiko bikote biren artean lehiatuko dute txapelketa: Alberdi eta Ubilla berriatuarrak Arbe eta Zabala markinarren kontra arituko dira. Lehenengoek erraz kanporatu zuten Zumaiako bikotea, finalerdietan (30-18). Bigarrenek latz sufritu zuten, eta tanto bakarreko aldeagaz kanporatu zituzten Gasteizko Landa eta Suso.