Mugarra Triatloi Eskolak bosgarren denboraldiari ekingo dio. Benjamin aurrekoetatik hasi (2006an jaioak) eta gazte mailara artekoei (1995ean jaioak) zuzenduta dago.
Gazteenekin errespetua, talde-lana eta triatloiari dagozkion gainerako balioak landuko dituzte. Kadeteek eta gazteek, balio horiez gainera, lehiaketara bideratutako entrenamenduak jasoko dituzte. Izen-ematea www.mugarratt.com webgunean egin daiteke.
Bestalde, urriaren 6an Durangoko VII. Duatloi Herrikoia antolatuko du Mugarra Triatloi Taldeak. Izen-ematea egunean bertan zein urriaren 5ean egin daiteke, 19:00etatik 21:00etara, Durangoko Gure Kabiya tabernan. 14 urtetik beherakoen izen-ematea euro bat da, eta nagusiena hiru. Dirua triatloi eskolarentzat da .