Durangoko Plateruenean jardungo dute, gaur, 22:00etan, Blues Thorpesekoek.
Urte honen hasieran bueltatu da 90eko hamarkadako Blues Thorpes taldea oholtzetara, hamabost urte agertokitik kanpo eman ondoren. Bederatzi musikari dira taldekoak, eta soul, rythm&blues eta rock&roll doinuak eskaintzen dituzte, antzerki eta parodia ukitu bategaz.
Blues Brothers New Yorkeko talde mitikoaren kanten moldaketak egiten dituzte Blues Thorpes taldekoek. Durangoko Plateruena kafe antzokian joko dute gaur, 22:00etan hasita. Blues Thorpeseko musikariak oholtzara igo aurretik, AC/DC taldearen bertsioak egiten dituen AZ/DZ taldeak eskainiko du kontzertua.