Durangoko musika eskolan egingo dituzte saioak, ekainaren 24tik uztailaren 5era.
Durangoko Bartolome Ertzilla Musika Eskolaren eskaintza da Durangoko udaleku musikal eta arte-udalekuena. Ekainaren 24tik uztailaren 5era bitartean egingo dituzte saioak, 10:00etatik 14:00etara. Gaur zabaldu dute epea interesa dutenek izena eman dezaten: Musika Eskolaren www.durangomusika.net webgunean bete daiteke inskripzio orria. Informazio gehiago behar duenak, aipaturiko helbide horretan topatuko du argibide gehiago.
Lau eta hamabi urte bitarteko neska-mutikoei zuzendurikoa da ikastaroa, eta musika, dantza, antzerkia eta eskulanak uztartuko dituzte udalekuetan. Artearen askotariko adierazpideak jorratuko dituzte, adin ezberdinei egokitukoriko saioetan. Zazpigarren urtez antolatu dituzte Durangoko Musika Eskolan udalekuok: egonkorturiko ekimena da, beraz.