Durangoko Sapubike mendi bizikleta taldeak kirol elikadurari buruzko hitzaldi bi antolatu ditu. Apirilaren 12an eta 19an, 19:00etan, izango dira Durangoko Elkartegian.
Hitzaldietan kirol elikaduran adituak diren lagun bi etorriko dira azalpenak ematen: Patxi Gimeno eta Ainhoa Lizarduy. Gimeno gasteiztarra Euskaltel-Euskadi txirrindulari taldeko sukaldaria da gaur egun. Lizarduy, berriz, Giza Nutrizioan eta Dietetikan, eta, Elikagaien Zientzian eta Teknologian diplomatua da. Hitzaldi biak doakoak dira.