Bilboko zine jaialdian aurkezturiko bost film emango dituzte barikuan, 20:30ean, Durangon.
Domekara arte Bilbon egin duten Zinegoak jaialdira (nazioarteko gay-lesbo-trans zinema eta arte eszenikoen jaialdira) aurkezturiko lanen lagin bat ekarriko dute, otsailaren 22an, Durangoko San Agustin kulturgunera.
AEB, Belgika eta Espainiako pelikulak izango dira ikusgai: hiru minutuko iraupenekoa laburrena, eta ordu erdikoa luzeena. Gainera, Euskal Herrian ekoitziriko Folklorikas lesbianas film laburra ere emango dute, Durangoko San Agustinen. Bost film eskainiko dituzte, guztira: Quiet, Maskarak, Atomes, Love Wars, eta Despierta izenekoak. Aurten, hamargarren urteurrena ospatu dute Bilboko zinema jaialdian.