Euskal zinemari buruzko \'www.cinevasco.com\' helbidean daukaten aktore profesionalen zerrendatik bisita gehien dauzkaten bost aktoreak ziren I. Euskal Bobina lehiaketako aktore onenaren saria jasotzeko hautagaiak. Eneko Sagardoy durangarrak jaso zuen zinezaleen bozka gehien, eta Bilboko ekitaldian jaso zuen 19 urteko aktoreak saria.
Sariagaz "oso gustora" dago antzerkira Durangoko Karrika taldearen bitartez hurreratu zen eta iaztik ETBko Goenkale saioan lanean diharduen Sagardoy: "Lanean jarraitzeko indarra ematen dizute honelakoek". Bere lana gustoko duten zinezale eta lagun askoren bozka jaso zuen Eneko Sagardoy-k \'cinevasco.com\' webguneak antolaturiko Euskal Bobinak lehiaketan sari hau jasotzeko, eta oso eskertuta agertu da.