Durangoko Sukia Rugby Eskolak ekimen berria jarri zuen martxan duela hilabete batzuk. Bloga sortu dute eta bertan errugbiaren inguruko berriak, bideoak, argazkiak, eta beste hainbat gai ikusteko aukera dago.
Durangoko Rugby Taldearen egutegia zehatz jarraitzeko aukera ere ematen du blogak. Jardunaldien berri ematen du eta errugbiaren inguruan dauden beste egitasmo batzuk ere aipatzen dira. Praktikan jartzeko ariketak eskaintzen ditu, jokaldiak eta munduko edozein tokitako errugbi partiduen jokaldiak ere biltzen dituzte blogean bideoen bitartez. Garrantzia ematen diotelarik Sei Nazioak txapelketari.
Horrez gain Sapu Zaharrak, Durangoko beteranoen taldeak haien txoko berezia du blogean. Partiduen bideoak eta argazkiak elkarbanatzen dituzte, baita egindako bidaien kronikak ere.
Euskal Herria Kirola erakundearekin bat egiten du Sukia Rugby Eskolak eta blogak lotura zuzena du ekimen horren webgunearekin ere.