War is over. 1937-2012 kulturaldiaren barruan, bertso trama antolatu dute, azaroaren 28an, Arte eta Historia Museoan. Bertan ikusi daitekeen War is over. 1937-2012 erakusketa ardatz hartuta jardungo dute bertsotan Igor Elortzak eta Unai Iturriagak, 19:30ean hasita.
Bertsoak erabilita istorio bat kontatzen da funtsean, bertso trama batean. Horretara, gai jartzaileak (kasu honetan narratzailea ere badena), istorio bat harilkatuko du eta bertsolariek hasieratik amaierara rol bera jokatuko dute. Istorioaren nondik norakoak aurrez idatzita badaude ere, bertsolariek inprobisatuz erantzungo diete paratutako egoerei, antolatzaileek azaldu dutenez. Josu Goikoetxeak jardungo du gai jartzaile lanetan.