25 urtetik gorako 40 bat auto egongo dira ikusgai Landako etorbidean eta San Roken.
Eskuko Racing automobilismo klubak auto klasikoen erakusketa antolatu du zapaturako. Aurten bigarren aldia izango du.
09:30etik 12:30 ingurura Landako erakustazokaren eta Landako etorbidearen arteko plazan batuko dira 40 bat auto. Durangaldetik zehar ibilbidea osatu ostean, San Rokeko aparkalekuan batuko dira bazkaritarako, eta hantxe egongo dira 18:00ak arte. Iaz legez, hainbat sari banatuko dituzte: autorik zaharrenari, zaleei gehien gustatu zaienari…
Batuko diren auto klasikoen artean daude 1975eko Ford Mustang-a eta auto lasterketetarako prestatuta dagoen Seat 850a, adibidez. Sasoi batean, AEBetako telesail ezagun batean, Steve Urkel pertsonaiak gidatzen zuen Izeta autoak ere ikusmina sortzen du.
![\"\"](\"/fc_imagenes/auto1.jpg\")
![\"\"](\"/fc_imagenes/auto2.jpg\")
![\"\"](\"/fc_imagenes/auto3.jpg\")