Tabirako jokatzen dabilen mailari ezin zaio emozio gehiagorik eskatu. Hamar taldeko multzoan, lehenengo bostek igoera fasea jokatuko dute, eta gainerakoak jaitsierakoa.
Horiek horrela, liga amaitzeko partida biren faltan garaipen baten barruan daude zazpi talde. Beraz, ez da bromarik izango datozen asteburu bietan. Tabirako garaipen bat atzetik dabiltzanen multzoan dago. Hala ere, Padura eta Autocares Artieda taldeen kontrako partidak irabaztea lortzen badu, igoera fasea jokatzeko aukera izango du. Gaur jokatuko dute Landako kiroldegian.
Joan zen astean, ustekabean, galdu egin zuten Alberto Alonsoren gizonek La Sallera egindako bisitan.