Juan Bizente Gallastegi egilea eta Anbotoren kolaboratzailea, Durangoko alkatea eta Labayruko Adolfo Arejitak aurkeztu zuten.
Juan Bizente Gallastegi durangarrak Tontorretik begira, abade baten oroipenak izenburuagaz, bere bizipen eta hausnarketekin osatu duen liburuaren aurkezpena egin zuten Durangoko Udalean atzo.
Orain hiru urte idatzi eta Labayru Ikastegiaren Sutondoan sortan kaleratu dute, besteak beste, egileak abadetzan jardun duen eta liburuan agertzen diren Durango, Iurreta, Elorrio, Atxondo, Etxebarriko udalen babesa eduki du.
Gallastegik aipatu liburuko protagonista ez dela bera dio, “bizitza osoan inguruan izan ditudanak baino”.
Labayruko Adolfo Arejitaren berbetan, “testigantza inportantea da liburukoa: bizi izan duen gizartearen lekuko eta kronista izan da Gallastegi: Gerra Zibilaren garaitik gaur egun arteko ibilbidea osatzen baitu”.
Azaroaren 17an Iurretan egingo dute liburuaren jendaurreko aukezpena, eta abenduaren 2an Elorrion. Durangoko Liburu eta Disko Azokan ere eskuragarri izango da liburua.