Zapatuan finalerdia jokatuko dute Arrasateren kontra; finala domeka eguerdian izango da.
Baqué Torneoa jokatuko dute asteburuan Landako Kiroldegian. Zapatuan, 16:45ean, Tabirako Baqué Arrasateren kontra lehiatuko da finalerdi batean; bestean Aloña Mendi eta Burgos neurtuko dira.
Domekan, 10:00etan, hirugarren eta laugarren postuak ebazteko neurketak jokatuko dituzte eta, 12:00etan, bezperako irabazleen arteko finala hasiko da. Torneoa irabazteko faborito nagusia Aloña Mendi da, EBA mailan jokatzen duelako, beste hiru taldeek baino maila bat gorago.
![\"\"](\"/fc_imagenes/baque1.jpg\")
Emakumeen Baqué Torneoa joan zen asteburuan jokatu zuten, eta Tabirako Baquék irabazi zuen. Etxeko taldeak 55-50 kanporatu zuen Portugalete finalerdietan; bigarren finalerdian Loiola nagusitu zen, Irlandesas taldearen kontra (61-48). Finalean, Tabirakok 54-47 irabazi zion Loiolari Baqué Torneoa irabaziz.