Lourdes Oiarbide arabarrak (Beste Alde taldea) gazteen mailako Espainiako erlojupeko txapelketa irabazi du Bejarren.
Euskal selekzioak, oro har, emaitza ezinhobeak lortu ditu. Izan ere, Oiarbidek Irene Usabiaga eta Eider Moreno taldekideak izan ditu ezker-eskuin podiumean. Horrez gainera, pistako lasterketan laugarren geratu da Oiarbide; Moreno izan da lehenengo eta Usabiaga hirugarren. Beraz, emakumeek sei domina posibleetatik bost eskuratu dituzte.
Pistako lasterketan hiru euskaldunak ihes eginda ibili ziren Sheila Gutierrez errioxarragaz batera eta, bigarren eta azken itzulian, Merinok aurrera egitea lortu zuen. Gutierrezen bigarren postuak eragotzi du jokoan zeuden domina guztiak euskal selekzioak ez irabaztea.