Mikel Agirregomezkorta entrenatzaileagaz eta gazteen mailatik igo duten Mikel Arizmendiarrietagaz batera beste hamar aurpegi berri daude Kulturalean. Hauek dira:
![\"\"](\"/fc_imagenes/15-01-kirola-425(1).jpg\")
Izena: Joseba Garcia
Adina: 25 urte
Nongoa: Durango
Nondik: Gernika taldetik
Gernika taldetik datorren aurrelaria. Hain zuzen, Kulturaletik joan zen Gernikara orain urte bi. Amorebieta taldera joan den Mikel Muniozgurenen hutsunea betetzeko ardura izango du.
![\"\"](\"/fc_imagenes/15-02-kirola-425.JPG\")
Izena: Jon Zubero
Adina: 30 urte
Nongoa: Lemoa
Nondik: Zalla
Zalla taldetik datorren aurrelaria. Joseba Garciaren antzerako ezaugarriak ditu; Erasoko jokoa antolatzen lagundu dezakete hegaletara desmarkatuz, baina batez ere, errematatzaileak dira.
![\"\"](\"/fc_imagenes/15-03-kirola-425.JPG\")
Izena: Adrian Mallagaray
Adina: 18 urte
Nongoa: Durango
Nondik: Athletic-eko gazteen taldetik
Athletic-en gazte mailako taldetik berreskuratutako erdi puntako jokalaria. Kulturaletik joan zen eta lesio baten ondorioz ezin izan du bere mailarik eman Athletic-en. Apurka erritmoa hartzen ari da.
![\"\"](\"/fc_imagenes/15-04-kirola-425.JPG\")
Izena: Borja Luis Blasco
Adina: 25 urte
Nongoa: Eibar
Nondik: Leioa
Leioa taldetik datorren erdilaria. Taldeko artisten (Pinilla, Gorroño, Conde…) bizkartzain lana egingo du. Jokalari garaia denez, aireko jokoa menderatzen du. Gainera, jokalari polibalentea da.
![\"\"](\"/fc_imagenes/15-05-kirola-425.JPG\")
Izena: Ander Garmendia
Adina: 27 urte
Nongoa: Otxandio
Nondik: Elgoibar
Elgoibar taldetik berreskuratutako ezker hegaleko atzelaria. Eneko Viñas-egaz batera, ezker hegala osatuko du. Orain urte batzuk Kulturalean jokatu zuen, Rikardo Txintxurretaren aginduetara.
![\"\"](\"/fc_imagenes/15-06-kirola-425.JPG\")
Izena: Jabier Garcia
Adina: 23 urte
Nongoa: Leioa
Nondik: Laudio
Laudio taldetik etorri den eskuin hegaleko jokalaria. Kluba iaz ere saiatu zen jokalari hau fitxatzen. Jokalari arina da, eta buruz burukoan abila. Erritmoa hartzen dabil, iaz gutxi jokatu ondoren.
![\"\"](\"/fc_imagenes/15-07-kirola-425.JPG\")
Izena: Jagoba Portillo
Adina: 18 urte
Nongoa: Ortuella
Nondik: Sestao
Sestao taldetik dator eta ezker hegalean jokatzen du normalean. Jokalari azkarra da, aurrerantz egiten badakiena, beraz, konfiantza hartzen duenean jokalari garrantzitsua izan daiteke.
![\"\"](\"/fc_imagenes/15-08-kirola-425.JPG\")
Izena: Eneko Txopitea
Adina: 30 urte
Nongoa: Gernika
Nondik: Amorebieta
Amorebieta taldetik etorri den erdiko atzelaria. Hiru-lau urtean Barakaldogaz 2.B Mailan jokatu izan du eta esperientzia handiko jokalaria da. Geldikako jokaldietan trebea da eta gol asko egin izan ditu.
![\"\"](\"/fc_imagenes/15-09-kirola-425.JPG\")
Izena: Unai Santamaria
Adina: 22 urte
Nongoa: Basauri
Nondik: Lemoatik
Lemoa taldetik dator. Orain urte bi Amorebietaren atzealdea osatu zuen, Txopitegaaz batera. Iaz Lemoan ez zuen hainbeste jokatu. Ezkerra da, entrenatzaileek asko baloratzen duten dohaia.
![\"\"](\"/fc_imagenes/15-10-kirola-425.JPG\")
Izena: Andoni Andres
Adina: 24 urte
Nongoa: Arrasate
Nondik: Amurriotik
Amurrio taldetik ekarri dute erdiko atzelari jokatzeko, nahiz eta gehiagotan jokatu duen euskarri moduan. Baloia jokatuta ateratzeko abilidadea du. Aurredenboraldian oso detaile onak erakutsi ditu.