Pilotaren munduagaz lotutako bi ekimen ospatuko dira zapatuan Durangoko Ezkurdi Pilotalekuan. Alde batetik, Pilotagazte kontzentrazioa egingo dute; pilota eskoletako kide diren ehunka gazte batuko dira bertan, eta denboraldiko argazki ofiziala aterako dute.
Ondoren, Bizkaiko Herri Arteko Txapelketako zesta punta finalak jokatuko dira; Berriatuko eta Markinako senior, gazte eta kadete mailetako taldeek jokatuko dituzte final horiek. Esku huskako txapelketari dagokionez, Atxondoko taldeak bakarrik lortu du aurrera egitea. Final-laurdenetan Usansoloren aurka jokatu beharko dute atxondarrek. Zaratamo eta Galdakaoren aurkakoak galdueta gero, Iurretak eta Mallabiak agur esan diote txapelketari. A.M.