Kulturalak 4.postuan jarraitzen du, Gernikari 2-0 irabazi ostean. Bigarren sailkatuak ateratzen zion hiru puntuko aldea puntu bakarrera jaitsi du orain.
26 jardunaldiren ostean, Kulturalak 52 puntu ditu eta laugarren postuan dago
sailkapenean; berdindurik daude Kulturala eta hirugarren sailkatua den Amorebieta. Bigarren postuan Laudio dago; aldea hiru puntutik puntu bakarrera moztu da jardunaldi honen ostean. Sestao liderra, ostera, esku hutsik itzuli zen Azpeitiatik; 2-0 galdu zuen Lagun Onak taldearen aurka, hala ere, 56 punturekin lehendabiziko postuan mantentzen da.
Sestaoren aurka galdu ostean, bi garaipen erdietsi ditu jarraian
Kulturalak; 0-1 Santutxuren aurka, eta 2-0 Gernikaren aurka, Tabiran. 2010/2011 denboraldian Kulturala Tabiran baino sendoago dabil etxetik kanpo, hala ere, garaipen honekin etxean ere irabazteko gai dela erakutsi du. Denboraldi honetan galdu dituen sei partiduetako bost Tabiran galdu ditu.