Haizea garizumakoa diskoa aurkeztera dator.
Ertamerikan eta Karibean \"garizumako haizea\" deitzen diote otsailean harrotzen den haize epelari. Uda eta eguraldi ona iragartzen du haize horrek inguru hartan. Ideia hori hartuta, Ruper Ordorikak azaroan kaleratu zuen \"Haizea garizumakoa\" bere azken lana. Hamabigarren disko horretako eta bere ibilbide luzeko kantak kantatuko ditu Ordorikak, gaur, Durangoko Plateruenean. Alboan izango ditu Arkaitz Miner (gitarra eta mandalina), Lutxo Neira (baxua) eta Hasier Oleaga (bateria).