Harrobia hobetzea nahi du Tabirakok, Durangoko sei eskolak kontuan hartuz. Gainera, eskola honen bitartez umeak saskibaloiarekin eta gainontzeko eskoletako umeekin harremanetan jartzeko aukera paregabea izango dutela uste dute antolatzaileek. Horrela, denboraldian aurkariak izan diren haurrak denak batera entrenatuko dira batak besteari irakatsiz. Urte osoan zehar jasotako formakuntza zabaltzeko aukera ere izango dute uda eskolan parte hartuko duten gazteek. Gainera, euskara ardatz bezala hartuta saskibaloian aritzea proposatuko zaie, hizkuntza bultzatuz.
7 urtetik 14 urtera bitarteko umeek parte hartu ahal izango dute Tabirako-Sukia uda eskolan eta goizeko bederatzietatik arratsaldeko seirak bitartean Landako Kiroldegian entrenatuko dira. Ekainaren 23an hasi eta uztailaren 5ean bukatuko da uda eskola. Izena emateko epea zabalik dago jada eta ekainaren 10ean itxiko da. Interesatuek Landako kiroldegian bertan izango dituzte eskuragarr i nskripzio orriak .