Topagunea Euskara Elkarteen Federazioak antolaturiko Euskarazko Film Laburren Zirkuituak Durangaldean ere izango du geldialdia.
Datorren ostegunean, otsailaren 22-an Durangoko Plateruena Antzokira gerturatzen denak euskaraz ekoitzitako pelikula berrienez gozatu ahal izango du iluntzeko 20:00-etatik aurrera.
Euskal Herriko sortzaileen lan nabarmenenak bildu ditu Topaguneak aurten ere: Ane Muñozen Loturak, Asier Altunaren Sarean, Ozkar Beraetxeren Xoxoak belari ipurbeltz, Iñaki Beraetxeren Osaba Jaxinto, Koldo Almandozen Midori, eta John Anduezaren Bilintx. Topagunea eta Berbaro-ren eskutik, euskal zinemagintzaren erakusketan, bost filme ikusteko aukera eskaintzen dute.