Mutiletan kadete eta gazte mailan lehiatuko dira, 20na pilotari kategoria bakoitzean. Euretako 24 bizkaitarrak dira. Gainerakoak Gipuzkoako, Arabako, Nafarroako eta Errioxako txapeldunak dira. Hemen ere badaude eskualdeko ordezkariak: Pablo Agirrebeitia (Pelotazale) eta Jon Areitio (Zornotzako Lagun Onak) kadeteetan, eta, Enaitz Uribe (Pelotazale) eta Izkander Torralba (Lagun Onak) gazteetan.
Txapelketa Mañaria, Zelaieta, Traña-Matiena, Iurreta eta Durangoko frontoietan jokatuko da. Aurten ez dute Atxondon jokatuko, frontoiko mantentze lanak direla-eta.
Bi jardunaldi astean
Jardunaldiak eguenetan eta barikuetan izango dira, 18:30etik aurrera. Eguenean jokatuko dute lehenengo jardunaldia Iurretako Kepa Arroitajauregi pilotalekuan. Partiduak honako hauek dira: Franco-Odiaga, Gortazar-Areitio, Otxoantezana-Albizu eta Uribe-Arrizabalaga.
Barikuko bigarren jardunaldia Durangon da, lau partidurekin: Perez-Agirrebeitia, Goikoetxea-Ardeo, Sololuze-Txabarri eta Bediaga-Oruesagasti.