Joan zen zapatuan, distantzia erdiko triatloien Espainiako txapelketa lehiatu zuten Iruñean. Mugarra Triatloi Taldeko kirolari bi nabarmendu ziren bertan. Paul Bereziartua txapeldun geratu zen 25-29 urte arteko mailan eta Jone Aizpurua azpitxapeldun, 45-49 urte arteko mailan.
Bero ikaragarria egiten zuela, parte hartzaileek honako lana egin zuten: 2 km igeri, 80 km bizikletan, 18 km korrika. Bereziartuak 3:34:52an osatu zuen ibilbidea. Ia 15 minutuko aldea atera zion Yeray Medina bigarrenari: 3:49:45. Imanol Tejadok osatu zuen podiuma: 3:56:48.
45-49 urte arteko mailan, Maria De La Torre izan zen txapelduna (4:16:42). Bigarren eta hirugarren posturako lehian, Jone Aizpurua hiru minutugatik (4:41:12) nagusitu zitzaion Pilar Rarori: 4:44:39.
(Argazkia: Instagram - Mugarra TT)