Atzo Lemoako Lemoatx mendi lasterketa lehiatu zuten. 25 kilometroko proba luzean eskualdeko korrikalari bi izan ziren irabazleak: Itsasne Urkiaga zornotzarra eta Iñigo Pradera mallabiarra. Urkiagak 2.31.07ko denboran osatu zuen ibilbidea eta sei minututik gorako aldea atera zion Oihana Azkorbebeitia abadiñarrari: 2.38.15. Paule Portillak osatu zuen podiuma. Gizonetan kontuak estuago izan ziren. 56 segunduko aldea izan zen Pradera irabazlearen (2.06.06) eta Aritz Kortazar bigarren sailkatuaren artean. Alexander Ordeñana geratu zen hirugarren.
17 kilometroko lasterketan Aner Zuluaga eta Itsasne Bengoetxea izan ziren onenak.