Asteburuan, bertsolariak, gai-jartzaileak, epaileak zein talde antolatzaileetako kideak Zornotzan batu dira ekimena aurkezteko. Bizkaiko Bertsolari Txapelketa aurkezteaz gainera, Bizkaiko Bertsozale elkartearen eguna ere ospatu zuten zapatuan. Goizean Aissa Intxausti, Aitor Bizkarra, Jone Uria, Oihana Bartra, Paule Loizaga eta Xabat Galletebeitak egin zuten bertsotan, bertso poteoan; ostean, bertso bazkaria egon zen, eta Eneko Abasolo 'Abarkas' eta Igor Elortza bertsolariek abestu zuten.