Balmasedako saioa Areto Nagusian izango da, eta bertan Araitz Katarain mallabitarrak, eta Ixone Asategi durangarrak abestuko dute, Aitor Arrutia, Enara Gallastegi, Janire Arrizabalaga eta Maider Altunagaz batera. Orozkoko Donibane aretoan, ostera, Ander Sarriugarte durangarrak eta Ander Aldazabal zornotzarrak egingo dute bertsotan, Ander Ucelay, Arkaitz Zipitria, Inazio Vidal eta Irune Basagoiti kide dituztela. 18:30ean hasiko dira saioak.
Udabarria Bertsotan faseko lehenengo bi hitzorduak maiatzaren 8an izan ziren, Munitibarren eta Bakion. Ander Elorriaga durangarrak laugarren egin zuen Munitibarko saioan, 149,5 puntugaz; Asier Galarzak irabazi zuen saioa, 194,5 puntugaz.