Txirrindularitza lasterketak

[BIDEOA] Laida Hierrok podiumean hasi du Euskaldun Txapelketa

Anboto 2025ko ots. 24a, 10:18

Errenteriako lasterketa hirugarren amaitu du.

Atzo emakumeen Euskaldun Txapelketa hasi zuten Errenterian lehiatutako Ane Santesteban Sariarekin. Laida Hierro Alzola durangarra (Mirat Team) podiumera igo zen junior/elite mailan, hirugarren postuan. Lasterketa Baque Movistar Team taldeko Paula Ostizek irabazi zuen. Bakarrik ihes eginda heldu zen helmugara. Atzetik zetorren taldetxoko ziklistek esprintean erabaki zuten podiuma. Izaro Etxarri geratu zen bigarren eta Hierro hirugarren.

Abadiño Cycling Academiako Almudena Morales eta Olatz Camino zazpigarren eta zortzigarren geratu ziren, hurrenez hurren. Aroa Gorostiza elorriarra, berriz, txirrindularitzara itzuli da aurten Grupo Eulen-Nuuk taldearekin eta bere lehenengo lasterketa hamargarren tokian amaitu zuen. Kadeteen lasterketan Noa Vega izan zen onena.

Gizonetan, zapatuan ekin zioten Euskaldun Txapelketari, Zumaian. Eiser-Hirumet taldeko Haritz Felix Azurmendi laugarren geratu zen, podiumaren atarian. Lasterketa Cajar Rural taldeko Diego Ruiz de Arcautek irabazi zuen.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!